آپ نے تصویر بھیجی میں نے دیکھی غور سے
ہر ادا اچھی خموشی کی ادا اچھی نہیں
tag icon تصویر, ادا, خاموشی
جلیلؔ مانک پوری
آتا تھا جس کو دیکھ کے تصویر کا خیال
اب تو وہ کیل بھی مری دیوار میں نہیں
tag icon تصویر
غلام مرتضی راہی غزل دیکھیے
اپنے جیسی کوئی تصویر بنانی تھی مجھے
مرے اندر سے سبھی رنگ تمہارے نکلے
سالم سلیم
بھیج دی تصویر اپنی ان کو یہ لکھ کر شکیلؔ
آپ کی مرضی ہے چاہے جس نظر سے دیکھیے
tag icon تصویر
شکیل بدایونی
چپ چاپ سنتی رہتی ہے پہروں شب فراق
تصویر یار کو ہے مری گفتگو پسند
tag icon تصویر
داغؔ دہلوی
دل کے آئینے میں ہے تصویر یار
جب ذرا گردن جھکائی دیکھ لی
tag icon تصویر, دل
موجی رام موجی
جس سے یہ طبیعت بڑی مشکل سے لگی تھی
دیکھا تو وہ تصویر ہر اک دل سے لگی تھی
tag icon تصویر
احمد فراز غزل دیکھیے
جو چپ چاپ رہتی تھی دیوار پر
وہ تصویر باتیں بنانے لگی
tag icon تصویر
عادل منصوری غزل دیکھیے
کہہ رہی ہے یہ تری تصویر بھی
میں کسی سے بولنے والی نہیں
tag icon تصویر
نوح ناروی غزل دیکھیے
کچھ تو اس دل کو سزا دی جائے
اس کی تصویر ہٹا دی جائے
tag icon تصویر, دل
محمد علوی غزل دیکھیے
لگتا ہے کئی راتوں کا جاگا تھا مصور
تصویر کی آنکھوں سے تھکن جھانک رہی ہے
tag icon تصویر
نامعلوم
میں نے بھی دیکھنے کی حد کر دی
وہ بھی تصویر سے نکل آیا
tag icon تصویر
شہپر رسول
میں نے تو یونہی راکھ میں پھیری تھیں انگلیاں
دیکھا جو غور سے تری تصویر بن گئی
tag icon تصویر
سلیم بیتاب غزل دیکھیے
مدتوں بعد اٹھائے تھے پرانے کاغذ
ساتھ تیرے مری تصویر نکل آئی ہے
tag icon تصویر
صابر دت غزل دیکھیے
مجھ کو اکثر اداس کرتی ہے
ایک تصویر مسکراتی ہوئی
tag icon تصویر
وکاس شرما راز
صورت وصل نکلتی کسی تدبیر کے ساتھ
میری تصویر ہی کھنچتی تری تصویر کے ساتھ
tag icon تصویر
نامعلوم
تیری صورت سے کسی کی نہیں ملتی صورت
ہم جہاں میں تری تصویر لیے پھرتے ہیں
tag icon تصویر, صورت, حسن
امام بخش ناسخ غزل دیکھیے
ترے جمال کی تصویر کھینچ دوں لیکن
زباں میں آنکھ نہیں آنکھ میں زبان نہیں
tag icon حسن
جگرؔ مرادآبادی
تری تصویر تو وعدے کے دن کھنچنے کے قابل ہے
کہ شرمائی ہوئی آنکھیں ہیں گھبرایا ہوا دل ہے
tag icon تصویر
نظیر الہ بادی
زندگی بھر کے لیے روٹھ کے جانے والے
میں ابھی تک تری تصویر لیے بیٹھا ہوں
tag icon محبت, عشق, تصویر, لَو
قیصر الجعفری غزل دیکھیے
Comments
Post a Comment